Vincent van Gogh

Dr Vincent Willem van Gogh [ɡɔx, niiderländisch ɣɔx] (* 30. Merz 1853 z Groot-Zundert; † 29. Juli 1890 z Auvers-sur-Oise) isch e niiderländische Mooler und Zäichner gsi; er gältet as äine vo de Gründer vo dr modärne Moolerei. Nochdäm, was mä hüte wäiss, het er 864^[1] Gmäld und mee as 1000 Zäichnige hinderloo, wo alli in de letschte zää Joor vo sim Lääbe entstande si. Si Hauptwärk wird stilistisch em Post-Impressionismus zuegordnet. Es het e starken Iifluss uf d Künstler, wo noch em cho si, ghaa, vor allem uf d Fauves und d Expressioniste. Zu Läbzite het er nume weenigi Bilder chönne verchaufe, aber sit de 1980er-Joor wärde sini Wärk bi Aukzioone zu Rekordbriis verstäigeret.

Dr Vincent van Gogh het en umfangriiche Briefwächsel gfüert, won s e Hufe Hiwiis uf si moolerischs Wärk din het und sälber vo hoochem literarischem Rang isch.

1. ↑ Belinda Thomson: Van Gogh – Gemälde – Die Meisterwerke, S. 84.